Plantun de Prouvènço

Pèr coumpara dos planto d'encò nostre

Pseudoscleropodium purum & Zygodon rupestris

Pseudoscleropodium purum

Brachytheciaceae

Nom en français : Faux pied-dur.

Descripcioun :
Aquelo mousso pluroucarpo coumuno trachis dins li relarg d'oumbro e fres pulèu sus sòu séusous. La tijo èi regulieramen ramado. Se recounèis majamen à si fueio de cambo redouno e proun councavo que s'acabon d'un cop emé un pichot benc. La costo se vèi bèn e fai mai que la mita de la fueio.

Usanço :
Se pòu engana emé d'àutri mousso pluroucarpo di fueio larjo, pamens la costo e lou benc fan la diferènci. S'atrovo uno meno procho Scleropodium tourretii, pu pichoto, que trachis dins li relarg mai caud e que caup de fueio mens councavo e mens pounchudo.

Port : Pluroucarpo
Taio : 10 à 15 cm
Fueio : 1,8 à 2,5 mm
Tipe bioulougico :
Cicle bioulougico : Planto renadivo

Gènre : Pseudoscleropodium
Famiho : Brachytheciaceae

Ordre : Hypnales

Coulour de la flour :
Petalo : 2 à 4 cm
Ø (o loungour) flour : Coumplet
Flourido : Ivèr

Sòu : Si (Ca)
Autour basso e auto : 10 à 1800 m
Aparado : Noun
Desèmbre à mars

Liò : Sòu - Champino
Estànci : Mesoumediterran à Subaupen
Couroulougi : Oulartico
Ref. sc. : Pseudoscleropodium purum (Hedw.) M.Fleisch., 1923

Flouquet-dis-aubre

Zygodon rupestris

Orthotrichaceae

Nom en français : Houppe des rochers.

Descripcioun :
Aquelo mousso coumuno acroucarpo d'aperaqui 1 cm d'aut, se vèi bèn sus li pège d'aubre (pin, éuse, roure...). Li tijo soun dreissado en "C" e s'envertouion un cop seco. I'a un mouloun de rizouïde brun e papilous à la baso. Li fueio de 1,5 mm de long soun en formo de lanço emé uno costo que s'acabo en pouncho. Fai raramen d'espouroufite, pamens i'a proun de proupagulo (fotò) sus li bord di fueio.

Usanço :
Lou flouquet-dis-aubre èi lou mai coumun di Zygodon au nostre. Zygodon viridissimus s'atrovo dins li fourèst mai fredo dóu Neckeretea complanatae ; si fueio soun mai torso e si proupagulo diferènto.